Category Archives: hindi shayaris

Koi sandesh nahi aaya


For my best frnd…
har roz morning wish karte huye messeges bhejte hai hum ek doosre ko.aj nahi aya toh..kuch achcha nahi laga..n ye kuch lines uskeliye likha hai maine.jo bhi words maine isme use kiya hai..chaaye..biryani..flowers..etc..mere fvrts hain.
Yeh sirf usi k liye hai…

Aj tera paigaam nahi aaya
koi sandesh nahi aaya
aisa lagraha hai mujhe
ki…
jaise
mera fvrt chaaye hai..
par usme cheeni nahi.
chicken biryani hai..
par swaadh nahi.
net balance hai
par phone me signals nahi
phool hai…
magar khushubu nahi.
mousam suhana hai..
par tum saat nahi.
Aj tera paigaam nahi aaya
koi sandesh nahi aaya
.
.
By:- J Swethagodawari.

Advertisements

Pyar hai tumse…


image

Mujhe na tumhari soorat se pyar hai
Aur na hi tera jism se pyar hai
Pyar hai teri pyari awaz se..
jo pyar se mera naam leti hai
Pyar hai teri baton se ….
jinhe sunte hi mann me titiliyan uddti hain
Pyar hai teri rooh se …
jo sirf meri rooh se jhudi huyi hai
Pyar hai teri muskan se….
jo meri muskan ban jati hai
Pyar hai anginat mujhe tera pariwar se…
jo mera bhi pariwar banchuka hai
Pyar hai teri mamta se …
jo meri maa ki mamta ki chhaav dikhti hai
Pyar hai tere in ankhon se …
jo meri kami me ansu k motiyon ko bahate hain
Pyar hai sirf tera pyar se …
jo sirf tujhe mujhse hai
Pyar hai teri dhadkan se …
jo sirf mere liye dhadakti hai
Pyar hai tera mann se …
jisme sirf mai basi hu hamesha k liye.

By:- J Swethagodawari
© Copyright @ 04/03/2016
Image Source:- Google images

Posted from WordPress for Android

Har pal tera ehsaas…


image

har pal tera ehsaas..
har pal teri yaadein..
door rehkar bhi mere khareeb ho
pyare me tum aur mai alag alag kahan..
aye jaan..
ab do dil ek ban gaye hai
dono ki dhadkane ek hogayi hai
aur rishta rooh ka bangaya hai

By:- J Swethagodawari
© Copyright @ 20/12/2015

Kya hai kala rang..kya hai gora rang..


Kya hai kala rang
Kya hai gora rang
Rang me kya rakha hai
Mann ki sundarata me
Jo hai woh baat
Chehre ki sundarata me
Hai kuch nahi khaas
.
.
Yeh kaisi duniya me
Rehrahe hai hum
Safed aur gorey rang ko
Sundarta kehrahe hai hum
Zara socho tum ek baar
Kala rang kitna hai khaas
Asman me yeh jo taarey hain
Chamakte huye kitni sundar hain
Raat ko thandi hawa ke saath
Kitna pyara lagta hai woh chand
Agar kaali raat na ho toh
Ye taarey kahan..yeh chand kahan
Kooo-kooo kehkar gaanewali
Meethi awaz se manoranjit karnewali
Us koyal ka kya hai rang
Uski meethe gaanon me
Baat hai kuch zyada khaas
Prem ka moorat krishna paramatma
Shyam naam nahi toh…
Aur kya pukaregi hamari atma
Zara socho tum ek baar
Tum bhi kahoge..
Rang me kya rakha hai yaar
.
.
Jaat paat..bhasha aur dharam
Maanavatha ki drushti se..
Ek baar dekho tum
Namratha… swachchtha
Vishwas …prem
Gyan.. sachsheelatha
Kisi ki sundarata ko
In sabke saath zara dekho
Tum bhi kahoge
Mann ki sundarta me
Jo hai woh baat
Chahre ki sundarta me
Hai nahi kuch bhi khaas
.
.
By:- J Swethagodawari
© Copyright @ 18/12/2015
Image Source:- Google images

image

Tere in hathon me…


tere in hathon me pyar se sambhal kar rehne wali ek gulab hu..
jab bhi tum mere aur khareeb ate ho..
aur bhi mehakne lagti hu..
kushbu ki tarah tere saanson me milkar..
tujme aur basne lagti hu…
jab bhi mujhe apne hath se sehlate ho
teri mamta ko mehsoos karne lagti hu..
khoobsoorat hain kitne sare yayan..
fir bhi mujhe kyon tumne chuna???
garv hai mujhe apne aap par
mila hai tum muje apni takdeer bankar..

tumhari is gulab ki taraf dekhna tum ek baar
khoobsoorat bhi hai aur kitne kante bhi hai
kitni baar in kanton ne
tujhe chot pahunchayi hai
tujhe kitna dard dilayi hai
fir bhi choda hi nahi tumne..
pyar se mujhe tere in hanthon me..
sambhal k mujhe rakha hai tumne..

Sunlo aye meri jaan
na tumse door rehsekti hu
na tumhe takleef de sakti hu..
jaanti hu tumse bichad kar toot jati hu..
fir bhi kehti hu chchod dena mujhe
baar baar takleef nahi desakti hu tujhe
baar baar tujhe zakhmi dekh nahi payega mujhse..
Jaan ho tum meri ..pyar ho tum mera
Tum salamat rahe yahi dua hai mera

By:- J Swethagodawari
© Copyright 2015

image

Pyar bhi vahi hai..sirf vahi hai..


image

Ek vakth aisa tha..
Jab mai uske liye ajnabi thi..
Woh mere liye ajnabi tha,
Kaise hum dost bangaye the..
Kaise ekdoosre ki kareeb hogaye the..
Kaisa ek doosre se pyar hogaya tha..
Pata bhi nahi chala tha,
Batain uski pyare lagti thi..
Awaz uski achchi lagti thi..
Usko mujhpar itna pyar tha..
Ek vakth bhi baat nahi hopayi toh
Pareshan udas rehta tha..
Yaad hai mujhe uski woh halath
Tadapte huye mann se
Meri yaad me ek din roya tha..
Bus mera pyar aur badgaya tha
Chahat bhi badne laga tha
Din raat vahi tha..dua me bhi vahi tha
Tadapti thi use milne k liye
Uski awaz sunne k liye..

Sab kuch theek tha
Achanak halath aisa badal gaya tha
Khuda ko bhi manzoor nahi tha
Hum ek doosre k liye hamesha ek hojana..
Ek dum se mai toot gayi thi..
Na uska dosh tha na mera..
Royi thi mai bahut..aur bhi roya tha woh.

Aj bhi mere mann me
Uske liye vahi pyar hai…bus chahat nahi
Dua me bhi vahi hai..use pane k liye nahi
Pyar bhi woh mujse aj bhi karta hai
Meri jagah uska mann me vahi hai
Mere liye pareshan udas
Aj bhi use rehta hai..
khyal bhi rakhta hai..
Aj bhi mere liye uska pyar dekh kar
baraste hain kai baar ye mere ankhe
Mangti hu har baar dua me..
Bus uska har dard mujhe de
Uska har dukh mujhe mile
Jaha bhi rahe woh..anch bhi na aye uspe
Mauth bhi uske badle mujhe chhoole
Uski salamati hi meri himmat hai..
Meri muskurahat bhi vahi hai..
Meri khushi bhi vahi hai..
pyar bhi vahi hai..sirf vahi hai..

By:- J Swethagodawari
© Copyright @ 08/11/2015

Kabhi maa banke mujhpe pyar barsate ho..


image

Kabhi maa banke mujhpe pyar barsate ho,
goad me rakhlete mera sar…
Apne hathon se pyar se sehlate ho,
kis kis ko milta hai in jaise rishton me aisa pyar..
Bhagvan ne kab ka dechukha hai mujhe ye vardan,
intezar hai mujhe us pal ka
mamta se bhare tere ankhon me dekhne ka,
sunlo hey eeshwar meri ye pukar..
math tootne dena yeh bandhan..
math chheenna mujhse ye pyar…

By:- J Swethagodawari
© Copyright @ 06/11/2015

Oo.. Hamari pyari bhabhi


image

Oo..Bhabhi bhabhi..
Hamari pyari bhabhi
Apka mann hai..
Kitni nirali

Bankar bahu aap..
Is ghar me ayi hai
Bankar jeewansaati bhayya ki..
Patni ka dharm nibharahi hai
Saas sasur ko..
Mata pita k darja deti hai
Unki seva hi ..
Bhagvan ki seva manti hai
Sanskari gunavati hai aap
Sehansheelata me aage hai aap
Oo..bhabhi bhabhi
Hamari pyari bhabhi

Subah se lekar raat tak..
Hum sab ki khyal rakhne wali bhabhi
Ghar sambhalne me
Zimmedariyan nibhane me
Mahir hai hamari pyari bhabhi
Oo..bhabhi bhabhi
Hamari pyari bhabhi

Jab jab bhayya se humhe dant padti hai
Tab tab hum par pyar barsati hai
Bhale hi hum unse darte hai
Par aap toh hamari pyari bhabhi hai
Hum toh apke
Ladali nanan ladale dewar hai
Oo..bhabhi bhabhi
Hamari pyari bhabhi

Aap se badkar kaun hai hamara
Baantlete hai apse
mann ki sari batain hamari
Hamare ankhon me chupi udasi ko
Padh lete hai aap
Hamara har dard ko
Apna samajh lete hai aap
Bhooki pait hume nahi rakhte kabhi
Manchahe pakvan bana banakar
Khilati hai sabko aap
Itna pyar itni seva
Koi socha hai tak jate hai kitna aap
Aapke mann ki dard ko
Kabhi humse bhi bantiye toh sahi aap
Oo..bhabhi bhabhi
Hamari pyari bhabhi

Jab bhi aapse dant khate hai
Rootne ko hamesha mann karta hai
Maa se bhi root te hai hum bhabhi
Aap toh hamari bhi maa hai bhabhi
Bhalehi khoon ka rishta na ho aapse
Pyar dosti aur maa ki mamta
Paaliya hai hum aapse

Oo..bhabhi bhabhi
Hamari pyari bhabhi
Aapka mann hai
Kitni nirali

By :- J Swethagodawari
© Copyright @ 31/10/2015

Dedicated to My best friend’s bhabhi….and God bless you bhabhi 🙂 ❤

Raat k is andher me..


image

Raat k is andher me
Tumhare pyar ki roshan me
Rakh lun apna sar..
Pyar se tumhare goad me
Bus yahi ek tamanna hai
Apni is chhoti si zindagi me
K dekti rahun apne apko
Sada tere in ankhon me

By:- J Swethagodawari
© Copyright @2015

Meri zindagi me akar..meri zindagi bankar..


image

Meri zindagi me akar..
Meri zindagi bankar..
Mera pyar bankar..
Meri saanson me baskar..
Meri dhadkan bankar..
Meri himmat bankar..
Mujh hi ko mujh se churakaliya tumne
Pyar ki sugandh me utardiya tumne mujhe.

Ishq ki is sagar me
Istarah dubadiya tumne
Teri mamta ki geharayiyon me khokar
Sukoon paaliya hai maine

Yeh tera gussa..tera dantna
Tera naraz hona..mujhe rulana
Fir bhi achcha lagta hai mujhe..
Tere banhon me is tarah apne apko chupalena..

Sunlena aye meri jaan
Na kabhi chodna mujhe..
Na tere dil se nikalna mujhe..
Rukh jayegi yeh saans
Agar ek kadam bhi door jaoge mujhse..
Ishq ki is sagar me aur bhi doobnedo mujhe..
Teri jaan bankar hamesha rehnedo mujhe..

By:- J Swethagodawari
© Copyright @ 2015

Career Companion

MOTIVATION ,SUCCESS, INSPIRATIONAL STORIES IN HINDI AND ENGLISH LIFE QUOTE ,LEADERSHIP TRAINING & CCS MULTI BUSINESS

doc2poet

Poetry & Me

Aparna Rao

Work in progress....

Rangoli Designs

Rangoli designs || Rangoli designs with dots || Chukkala muggulu || Kolam designs || Kolam designs with dots || Rangavallikalu

Hindi Tech Help

Tech Lover's Blog

दूसरा मैं

थोड़ा पढ़ा, थोड़ा सोचा, थोड़ा कुछ लिख दिया...

%d bloggers like this: